SAAL 1ÅAR Sørsamisk i praktiske situasjoner - innføringsstudium 1.del/ÅAR Åarjelsaemien fïerhten biejjien jieliemisnie – Aalkoekuvsje 1. åesie
- Ööhpehtimmiegïele: Åarjelsaemien
- Ööhpehtimmiesijjie: Sijti Jarnge, Aarborte
- 15 studijetsiehkieh
- Ööhpehtimmieplaane åarjelsaemien
- Studieplan norsk
- Curriculum english
- Lohkehtimmien, tjåanghkoeh jïh tæjmoeplaane daesnie gaavnh!
Daate lea lohkemem mij sjeahta dutnjien jis ih maehtieh saemien soptsestidh vuj tjaeledh, jïh sïjthth saemien eevre voesteges baakoste lïeredh. Lohkeme lea nimhtie ahte galkh soptsestimmien jïh barkoen tjïrrh gïelem lïeredh.
- Kuvsjemaaksoe: 1200,- materiellen gaavhtan jïh 400,- lohkememaaksoe
Vihkeles daennie kuvsjesne ahte studenth sïnsitnine soptsestieh jïh ektesne berkieh. Nimhtie hov åadtjoejieh buerebe lïeredh, juktie aelhkebe fïerhtenbeajjetje barkoen tjïrrh. Orre baakoeh, soptsestimmie- jïh tjaeleme lea aamhtesi mietie sjïehtesjamme. Gaajhkh aamhtesine lea njaalmeldh barkoelaavenjassh, rollespïelh jïh aelhkies teeksth.
Lohkemen doekoe aaj sjædta biejjie- jïh jijjiedimmien fealadimmieh. Lohkemen mïnngesne studenth edtjieh njaalmeldh reektedimmiem provsjeektebarkoste darjodh.
Lohkeme lea seamma daaltesne goh Europeihke gïeleportifolijen A1 – A2 (Davvin 1 jïh 2/ Saemesth amma 1 jïh 2)
Vijriebasse lohkedh:
Daan åesien mænngan gåerede jåerhkedh lohkedh Åarjelsaemien fïerhten biejjien jieliemisnie 2 åesie.
Åarjelsaemien fïerhten biejjien jieliemisnie 1 jïh 2 vaadta våaromem Åarjelsaemien semeestereboelhkem lohkedh.
Barkoenuepieh:
Jis edtjh åarjelsaemien gïelereeremen-dajvesne barkedh, dellie lea stilleme ahte maahtah saemiestidh. Daate lea buerie lohkemem jis sïjhth barkoem åadtjodh dagkarinie dajvine.