28. Gol 2014 - 29. Gol 2014   09:30 - 15:30

Árbevirolaš máhtu dokumenteremis

Olmmáivákkis. Dát lea rabas seminára buohkaide. Kursa ja borramuš lea nuvttá.

Dáhton: 28. Gol 2014 - 29. Gol 2014
Áigi: 09:30 - 15:30
Govva mas olbmot olgun leat čoahkkánan guldalit árbevirolaš máhtu birra.

Bovdehus metodaseminarii árbevirolaš máhtu dokumenteremis 28-29.10.2014

Árbediehtoprošeakta Sámi allaskuvllas ja Davvi álbmogiid guovddáš lágideaba metodaseminára Olmmáivákkis Golggotmánu 28. ja 29. beaivvi, 2014.

Lea guovttebeaivásaš seminára mas vuosttaš beaivvi leat logaldallamat ja nuppi beaivvi ges praktihkalaš hárjehusat. 
Dát lea rabas seminára buohkaide geat beroštit árbevirolaš máhtu dokumenteremis. 

Kurssa ulbmil lea oahpásnuvvat iešguđetge vugiide maid sáhttá geavahit go galgá dokumenteret, systematiseret ja gaskkustit árbevirolaš máhtu.

Kursa ja borramuš lea nuvttá. Oasseváldit gokčet ieža mátke- ja orrungoluid (fertejit ieža diŋgot orrunsaji). 

Govva Inger Marjjas, go logaldallá Árbevirolaš máhtu birra.

Prográmma: Árbevirolaš máhtu dokumenteremis.
Jus háliidat oassálastit semináras, dieđit iežat e-boasta bokte sylvi.granaas@samiskhs.no,
dahje tlf. 78 44 84 41.
Dieđihanáigemearri lea 23.10. 2014.

Lágideamit

Buot