Ohppet sámegiela árbevirolaš máhtu bokte
Sámi árbevierut, birgejumit ja duovdagat leat guovddáš oahppotemát studeanttaide go ohppet sámegiela.
Erle Elisabeth Haldorsen oahppá sámegiela Sámi allaskuvllas. Son studere Davvisámegiela praktihkalaš dilis. Dat lea sámegiela álgooahppu álggahalliide. Heivejuvvon Sámi allaskuvllas sidjiide geat eai máhte hupmat eaige čállit sámegiela, dehe sidjiide, geat leat gullan sámegiela, muhto eai huma.
Dán vahku Erle Elisabeth láidesta Sámi allaskuvlla snapchatte, man bokte beassá oaidnit movt sutnje lea studeanta eallin seammás go lea nuorra eadni njuoratmánnái.
— Lea leamašan somá ahte nu olu olbmot gehččet Sámi allaskuvlla snapchatte, dadjá Erle Elisabeth. Odne leat 140 olbmot oaidnán maŋemus snáppa álgooahpus. Snapchat lea sosiálamedia govven ja filbmen appa mobiilatelefovdnii.
Oahppu deattuha sámegillii gulahallama ja ovttasbarggu studeanttaid gaskkas.
Studeanta Ida Holm Hansen mielas dat buoremus dáinna oahpuin lea ahte it dušše oahpa giela muhto studeanttat besset hárjehallat hupmat sámegiela iešguđetlágan beaivválaš diliin, seammás go háhket árbevirolaš máhtu.
Earágo olu oahppan de lea Ida maiddái ođđa ustibiid ožžon.
— Lei somá suidnet ja guollebivddus oahppat olu. Odne mii leat sávzaulluin oahppan alccan duhppet bahtalihpu. Man alde lea liekkas čohkkáhit.
Govas snapchattes, man Erle Elisabeth lea govven oidno báikkálaš čeahpit Bojena Ánte ja Bojena Nillasa Nils Ole geat muitaleaba guolleabivdimis sámegielstudeanttaide.
Stuora oassi oahpus lea árbevirolaš sámi máhtu oahppat báikkálaš oahpisteddjiiguin.
Oahpaheaddji Ann Mari Sara lohká studeanttat nu čeahpit ja somá sidjiide giela oahpahit praktihkalaš bargguid bokte.
Hálliidatgo don oahppat Sámegiela?
Hás don álggát álgoohppui - Davvisámegiella praktihkalaš dilis?
Dehe jus háliidat árbevirolaš máhtu háhkat ja hálddašat sámegiela.
Álgge dalle Árbediehtoohppui!