Sámi allaskuvla ja Sámediggi vuolláičálle odne áigumuššiehtadusa prošeavttas SáMOS - Sámi mánát  ođđa searvelanjain.  Ovttasbarggu vuođđun leat ON dokumeanttat sámi mánáid rivttiid birra, nu go Mánáidkonvenšuvdna, ILO-konvenšuvdna 169 ja álgoálbmot deklarašuvdna. Áigumuššiehtadusa ulbmil ja sisdoallu lea earret eará:

- Gelbbolašvuođalokten

- Ovddidit dutkama

- Ovdánahttit sámi mánáidgárdeoahpaheaddjeoahpu

- Veahkkálaga semináraid ja konferánssaid lágidit

Šiehtadus lea njealji jahkái.  Lei Sámedikki ráđđelahttu Mikkel Eskil Mikkelsen ja Sámi allaskuvlla rektor Gunvor Guttorm geat vuolláičáliiga áigumuššiehtadusa.