Eai lean dušše sámi beakkálmasat čoahkkánan Sámi allaskuvlla rabasbeaivái.

Doaluide ledje maiddái olu joaktaskuvlaoahppit boahtán, muhtumat gitta Sámi oahpahusguovddážis Anáris. Sámi allaskuvla attii vejolašvuođa buohkaide geahččat njuolggosáddaga rabasbeaivvis neahta bokte. Geahččit besse neahttasáddaga bokte vásihit veháš mii dáhpahuvai odne Sámi allaskuvllas. Áilu Valle doalái konseartta ja dan ovdal lei son ráhkadan Sámi allaskuvlla gudnin áibbas ođđa lávlaga. 

[[{"fid":"6768","view_mode":"teaser","fields":{"format":"teaser","field_caption[und][0][value]":"Sámi allaskuvlla rabas beaivvis 2017. Govven: Máhtte Sikku Valio.","field_file_image_alt_text[und][0][value]":"Bilde av besøkende til åpen dag 2017","field_file_image_title_text[und][0][value]":"Rabas beaivvis 2017","field_tags[und]":"Åpen dag; rabas beaivi; rabasbeaivi"},"type":"media","link_text":null,"attributes":{"alt":"Bilde av besøkende til åpen dag 2017","title":"Rabas beaivvis 2017","height":"134","width":"220","class":"media-element file-teaser"}}]]

Lihkostuvvan
Sámi allaskuvlla rektor Gunvor Guttorm lea hui movttet go rabasbeaivi lihkostuvai bures.

- Nu somá go olu skuvlanuorat ja muđuige olbmot márkanis ledje boahtán deaivvadit minguin dáppe Sámi allaskuvllas, dadjá Guttorm. Sii leat beassan oaidnit min oahppofálaldagaid ja maiddái deaivat min fágaolbmuin, loahpaha rektor Gunvor Guttorm.

[[{"fid":"6767","view_mode":"teaser","fields":{"format":"teaser","field_caption[und][0][value]":"Johan Vasara, Guovdageainnu sátnejođiheaddji. Govven: Máhtte Sikku Valio.","field_file_image_alt_text[und][0][value]":"Bilde av Johan Vasara som fletter.","field_file_image_title_text[und][0][value]":"Johan Vasara duddjomen.","field_tags[und]":"Johan; Vasara; duoddji; Guovdageaidnu"},"type":"media","link_text":null,"attributes":{"alt":"Bilde av Johan Vasara som fletter.","title":"Johan Vasara duddjomen.","height":"165","width":"220","class":"media-element file-teaser"}}]]

Gilvvut
Ovtta beavddis ledje duojit. Doppe lei Sámi allaskuvlla oahpaheaddji ja dáiddačeahppi Britta Marakatt-Labba lágidan "duodje battle". Battle boahtá eaŋgalasgiela gilvu sánis. Jurdda das lei golmma minuvtta sistte bárgidit dehe ruvdet guhkimus bátti. Okta oasseváldi lei Guovdageainnu suohkana sátnejođiheaddji Johan Vasara, guhte gilvalii Sámi allaskuvlla bargi Ingá Biret Sara vuosttá. Eará beavddis fas nu gohčoduvvon kahoot, mii lea gažaldatgilvu heivehuvvon app'an. Sámi ofelaččain ledje maiddái gažaldagat quiza hámis.

Diehtosiidda visttis, Guovdageainnus leat máŋga ásahusa earágo Sámi allaskuvla. Rabas beaivvis besse maiddái sii čájehit fálaldagaid. Sis-Finnmárkku studeanttaid ovttastusa (SSO) beavddis oinniimet makkár fálaldagat sis lea, nugo ee. činu, ássodagat, mánáidgárde sajit jnv. Norgga Sámedikki beavddis ávžžuhedje čálihit iežaset Sámi jienastuslohkui.  

[[{"fid":"6766","view_mode":"teaser","fields":{"format":"teaser","field_caption[und][0][value]":"Govven: Máhtte Sikku Valio","field_file_image_alt_text[und][0][value]":"Bilde av roboter.","field_file_image_title_text[und][0][value]":"Programerings roboter","field_tags[und]":"Robot; programming"},"type":"media","link_text":null,"attributes":{"alt":"Bilde av roboter.","title":"Programerings roboter","height":"220","width":"165","class":"media-element file-teaser"}}]]

[[{"fid":"6769","view_mode":"default","fields":{"format":"default","field_caption[und][0][value]":"Govven: Tim Valio","field_file_image_alt_text[und][0][value]":"Bilde fra kantina på åpen dag.","field_file_image_title_text[und][0][value]":"Rabas beaivvis 2017. Viiddis govva.","field_tags[und]":"Rabasbeaivi; 2017; rabas; beaivi; Paltto; Sikku; Valio; Jouma; Indigenous; journalism"},"type":"media","link_text":null,"attributes":{"alt":"Bilde fra kantina på åpen dag.","title":"Rabas beaivvis 2017. Viiddis govva.","class":"media-element file-default"}}]]

Sámi allaskuvlla neahtta-TV sáddagat rabasbeaivvi dilálašvuođas gávnnat min Facebook-siiddus.