Sámi allaskuvla lea guhkidan ohcanáigemeari guoros oahpposajiide čavčča oahpuide.  

Oahpuide maidda sáhttá ohcat fas otná rájes:

• Introduction to Screenwriting: Sámi and Indigenous Storytelling through Film. Ohcanáigemearri: 15.6.2022.
• SÁM 601 Samisk språkdidaktik med fokus på grundläggande läs och skrivfärdigheter. Ohcanáigemearri: 1.9.2022.
• Sámi kultur- ja servodatdiehtu 1. Ohcanáigemearri: 12.8.2022.
• Sámegiella ja sámi girjjálašvuohta 1. Ohcanáigemearri: 1.8.2022.
  • SÁM 102 Davvisámegiela morfologiija ja cealkkaoahppa. Ohcanáigemearri: 1.8.2022.
  • SÁM 108 Davvisámi fonetihkka, fonologiija ja čállinvuogit. Ohcanáigemearri: 1.8.2022
  • SÁM 111 Sámi girjjálašvuođa vuođđokursa. Ohcanáigemearri 1.8.2022.

Sámegiela ja sámi girjjálašvuođa bacheloroahppu oahppoovttadagat:

• ​​​​SÁM 100 Gielladieđa ja fonetihkka. Ohcanáigemearri: 1.8.2022.
• OKT 101 Eamiálbmotfilosofiija. Ohcanáigemearri: 1.8.2022. 
• OKT 101 Dieđalaš čállin ja guorahallan. Ohcanáigemearri: 1.8.2022. 

Duoji oahppoovttodagat:

• Duddjoma ja hábmema bargovuogit. Ohcanáigemearri: 8.8.2022.
• Kontinuitet og vitalisering av tradisjonell vætna. Ohcanáigemearri: 8.8.2022.
• Duodji ja haddebidjan. Ohcanáigemearri: 8.8.2022.
   

Boazoealáhus bachelora oahppoovttadagat:

• Ovdalaš sámi ealáhuslágit. Ohcanáigemearri: 8.8.2022.
• Sámi birasehtalaš vierut boares áiggi rájes. Ohcanáigemearri: 1.9.2022.
• Sámeriekti. Ohcanáigemearri: 1.9.2022. 

Sámegiela ja sámi girjjálašvuođa doavttirgrádaoahpu oahppoovttadagat:

• SÁM 401 Etihkka, eamiálbmotdiehtu ja -metodologiija. Ohcanáigemearri: 12.8.2022.
• SÁM 400 Dieđateoriija. Ohcanáigemearri: 12.8.2022.
• SÁM 406 Sámi girjjálašvuođadutkan oassin eamiálbmot- ja unnitlogugirjjálašvuođas. Ohcanáigemearri: 12.8.2022.
• SÁM 408 Sámi sosiolingvistihkka máilmmiviidosaš konteavsttas. Ohcanáigemearri: 12.8.2022

Prográmmaoahppu

• Oahpaheaddjeoahpu kvalifiserenortnet. Ohcanáigemearri: 1.9.2022. 

Joatkkaoahput

• Gelbbolašvuođalokten mánáidgárddiin–árbevirolaš máhttu ja sámi kultuvra mánáidgárddis. Ohcanáigemearri: 1.9.2022.
• To- og flerspråklighet med vekt på førstespråk. Ohcanáigemearri: 1.9.2022.
   

Ohcanvuogádat: Báikkálaš ohcanvuogádat/Søknadsweb  
 
Sisabeassangáibádusat 
Gáibádussan beassat studeantan Sámi allaskuvlii lea oppalaš lohkangelbbolašvuohta ja sámegiella. Jus dus ii leat oppalaš lohkangelbbolašvuohta, de sáhtát ohcat reálagelbbolašvuođa vuođul. Sámi allaskuvlla vuođđooahpuin ja eanaš eará oahppofálaldagain gáibiduvvo dihto dási sámegielmáhttu. Muhtin oahppofálaldagain sáhttet erenoamáš gáibádusat. Dát čilgejuvvojit sierra iešguđet oahppofálaldagas. 

Oppalaš lohkangelbbolašvuođa gáibádusat gávdnojit Samordna opptak siiddus. 
 
Mii lea reálagelbbolašvuohta? 
Reálagelbbolašvuohta lea gelbbolašvuohta maid leat háhkan ovdamearkka dihte fidnohárjehallamis, bálkákeahttas barggus, organisašuvdnadoaimmain, kurssain dahje eará oahppoduogážis. Ohcci bargo – ja oahppoduogáš árvvoštallojuvvo dan oahppofálaldaga gáibádusa ektui masa ohcá. Gáibádussan lea:   

• ahte ohcci galgá deavdán 25 jagi dahje deavdá 25 jagi dan oahppojagi go álgá ohppui, ja 

• ahte ohccis lea unnimusat vihtta jagáš bargo/oahppovásáhus.
   

Jus leat gažaldagat ohcama oktavuođas sáhtát váldit oktavuođa oahppohálddahusain e-boasta bokte: oahppohalddahus@samas.no