Porseliidna bohcco dávttiin - sáhtášii go boaluid ráhkadit?

Dutkanfierpmádat MAST doallá golbmabeaivásaš dáhpáhusa, mas leat sihke logaldallamat, bargobájit ja čájáhusrahpan.

Lea sáhka earret eará geahččalit ráhkadit muoras, čoarvvis ja bohccodákteporseliinnas omd. boaluid mat heivejit gákteboahkánii. Maiddái sisti, soahki ja eará luondduávdnasat leat guovddážis bargobájiin. Movt geavahit ođđaáigásaš teknologiija ávkin?

Sámi allaskuvla bovde olbmuid čuovvut bargobájiid ja earenoamážit čájáhusa geahččat 10.b. dii 1600.

Bargobájit Sámi allaskuvlla duddjohagas:

- distaga 8.4. dii 1400-1700 

- gaskavahkku 9.4. dii 1300-1700

- duorastaga 10.4. dii 1000-1200

Gulahallanolmmoš: Sámmol Valkeapää

NordForsk lea ruhtadan dán dutkanfierpmádaga mas leat mielde Sámi allaskuvla, Aalto universitehta mii lea Espoos, Suomas, Upmi universitehta Ruoŧas ja Aalborg universitehta Danmárkkus.